زوہیب کاظمی: ملک کی نامور ڈائریکٹر سنگیتا نے نان پروفیشنل رویئے کی وجہ سے اداکارہ ثنا کواپنے پراجیکٹ سے آؤٹ کردیا۔
رپورٹ کے مطابق سنگیتا ان دنوں"دو بوند پانی" کے عنوان سے پراجیکٹ کر رہی ہیں جسے ڈبل ورژن یعنی بیک وقت فلم اور ڈرامے کی صورت میں بنایا جارہا ہے۔
https://www.pnntv.pk/digital_images/large/2022-12-12/news-1670825253-7052.jpeg
"دو بوند پانی" سیریل کی ابتدائی ریکارڈنگ بہاولپور میں کی گئی جبکہ اس کی مزید ریکارڈنگ لاہور میں جاری ہے۔سنگیتا نے لاہور میں ریکارڈنگ کی بات کی تو اداکارہ ثنا نے ان سے طے شدہ تاریخیں کسی اور ہدایت کار کو دے دیں ۔ جب کہ اداکارہ نے انہیں میسج بھیجا کہ آپ میرے مینجر سے بات کرلیں۔
اداکارہ نے مزید کہا کہ مجھے لگتا ہے کہ آپ مجھے پیسے بھی نہیں دیں گی جس پر ڈائریکٹر نے نے اداکارہ کو پراجیکٹ سے الگ کردیا۔ہدایت کار سنگیتا کف کا کہنا ہے کہ ثنا نے 9دن کا شوٹ کروایا تھا جس کے لئے انہیں تین لاکھ روپے ادا کئےگئے تھے۔7نومبر کو ان سے لاہور کے شوٹ کی بات کی تو پتہ چلا کہ میری طے شدہ تاریخیں کسی اور دے دیں اور مجھے کہا کہ میں بہت پروفیشنل ہوگئی ہوں اس بارے میں میرے مینجر سے بات کریں۔
ہدایت کار نے مزید کہا کہ اداکارہ نے انہیں کہا کہ مجھے لگتا ہے کہ آپ سے پیسے نہیں ملیں گے جب کہ میں نے سب سے پہلے ایڈوانس اور بقیہ معاوضہ بھی دیا تھا۔
سنگیتا نے کہا کہ ثنا کو اب اس کی قیمت ادا کرنا پڑے گی۔اپنے 45 سالہ کیرئیر میں کسی فنکار کا سو روپیہ بھی نہیں دینا ۔شاید ثنا اپنا ماضی بھول گئی ہے
https://www.pnntv.pk/digital_images/large/2022-12-12/news-1670825270-4639.jpeg
میں نے ہی پہلے اسے اپنی فلم"ریشماں"میں ہیروئن کا چانس دیا تھا۔میں نے اپنے ڈرامے میں اس کی زندگی کا بہترین کردار دیا تھا جس کے لئے وہ ہمیشہ پچھتائے گی کہ اس نے کیا غلطی کردی ہے۔
