ایک نیوز:وزیراعظم محمد شہباز شریف سے صدر نیشنل پارٹی ڈاکٹر عبد المالک بلوچ کی قیادت میں وفد نے ملاقات کی ہے۔
تفصیلات کے مطابق ملاقات کرنے والوں میں سینیٹر جان محمد اور رکن قومی اسمبلی پلن بلوچ شامل تھے ، دونوں رہنما ؤں نے صوبہء بلوچستان کی سیاسی و مجموعی صورتحال پر تفصیلی تبادلہ خیال کیا۔
اس موقع پر وزیراعظم شہباز شریف کا کہناتھا بلوچستان کے عوام کی فلاح و بہبود حکومت کی اولین ترجیح ہے ، بلوچستان کے نوجوانوں کو روزگار کے یکساں مواقع فراہم کرنے کے لئے اقدامات اٹھائے جا رہے ہیں ۔
ڈاکٹر عبد المالک بلوچ نے بلوچستان کے زرعی ٹیوب ویلوں کی شمسی توانائی پر منتقلی کے اقدام پر وزیراعظم کا شکریہ ادا کیا ۔
ڈاکٹر عبد المالک بلوچ نے کہا زرعی ٹیوب ویلوں کی سولرآئزیشن کا بلوچستان کے کسانوں کا دیرینہ مطالبہ پورا ہو گیا ، اس طرح کے اقدامات بلوچستان کی ترقی و خوشحالی کی جانب مثبت پیشرفت ہیں ۔
ملاقات میں نائب وزیراعظم و وزیر خارجہ اسحاق ڈار، وفاقی وزیر قانون و انصاف اعظم نذیر تارڑ اور وزیر اعظم کے مشیر برائے سیاسی امور رانا ثناءاللہ بھی موجود تھے۔