ڈاکٹر شاہد صدیق قتل کیس:واردات میں استعمال ہونیوالی گاڑی برآمد

ایک نیوز: ڈاکٹر شاہد صدیق قتل کیس میں اہم پیش رفت سامنے آئی ہے، قتل کی واردات میں استعمال ہونے والی گاڑی برآمد کر لی گئی ۔
پولیس کے مطابق گاڑی کی جعلی اور اصلی دونوں نمبر پلیٹس کے ساتھ تصاویر سامنے آگئیں ،وقوعہ کے وقت گاڑی کو جعلی نمبر پلیٹ AHC:798 لگائی گئی ،لاہور سے نکلنے کے بعد ملزمان نے گاڑی کو اصل نمبر پلیٹ AAF:450 لگائی ،مرکزی ملزم شہریار کی والدہ شہناز کے نام پر گازی لی گئی۔
  شہناز کے شوہر سجاد نے بیوی کو گاڑی لیکر دینے کا کہا شہناز کا بھتیجا گاڑی لیکر آیا اور گاڑی سجاد کے حوالے کی رینٹ اے کار والے مالک کو تاحال کرایہ وصول نہیں ہوا ،گاڑی وہاڑی سے تین دن کیلئے کرائے پر لے گئی مرکزی ملزمان شہریار،شہریار کے والد سجاد اور چچا شاہد تاحال مفرور ہیں ۔
  پولیس نے قتل کیس میں مقتول کے بیٹے سمیت پانچ ملزمان کو گرفتار کررکھا ہے ،شاہد صدیق کے قتل کی ڈیل ایک کروڑ 60 لاکھ میں طے پائی ملزم شہریار نے 16 لاکھ 75 ہزار روپے وصول کیے ۔