ایک نیوز: سابق وزیر داخلہ اور عوامی مسلم لیگ کے سربراہ شیخ رشید کا کہنا تھا کہ عوام ووٹ کے ذریعے انکو شکست فاش دیں گے، سیاسی طور پر انہوں نے اقتصادی معاشی اور مالیاتی عوام کا جنازہ نکال دیا ہے، امید ہے شہباز شریف اور نام نہاد اپوزیشن لیڈر آج نگران وزیراعظم کا اعلان کردیں گے اور بات الیکشن کمیشن تک نہیں بڑھنے دیں گے۔
سابق وزیر داخلہ اور عوامی مسلم لیگ کے سربراہ شیخ رشید نے سماجی رابطے کی ویب سائٹ ٹویٹر پرلکھا ہے کہ یہ سب ٹوپی ڈرامہ کر رہے ہیں نام انہوں نے فائنل کیا ہوا ہے ایسے ہی اہمیت جتا رہے ہیں اور میڈیا میڈیا کھیل رہے ہیں، یہ کمپنی کی مشہوری کے لئےجتنے مرضی دن لگالیں ،پاکستان کی سیاسی زندگی کے سیاہ ترین 16 مہینے تھے جو انہوں نے لگائے۔
سابق وفاقی وزیر کا کہنا تھا کہ غریب کو زندہ مار دیا ہے غریب کے گھرآٹا گھی چینی بجلی کا بل بچوں کی فیس گھر کا کرایہ وہ دینے کے قابل نہیں رہا، شہروں میں لوٹ مار شروع ہو چکی ہے، خانہ جنگی کا ماحول ہے اورکل سپریم کورٹ کا اہم فیصلہ آیا ہے اور جو یہ نئی تاریخ دیتے تھے کہ نواز شریف کل آ رہا ہے پرسوں آ رہا ہے۔
عوامی مسلم لیگ کے سربراہ نے کہا کہ ان خواہشوں پر پانی پھر گیا ہے 90 دن میں الیکشن کروانے ہونگے اور جو سلوک انہوں نے عوام سے رواں رکھا ہے اس کے انتقام لینے کا وقت آ گیا ہے 13 اگست رات 11 بجے میں لال حویلی کے باہر قوم سے خطاب کروں گا۔
اگر ضرورت پڑی تو آج شام بھی ایک ٹویٹ جاری کروں گا کیونکہ میرے گھر کے نزدیک اور میرے رشتے داروں اور میرے ملازموں اور جس طرح یہ میرے رات کو 2 ملازم اٹھا کر لے گئے ہیں اور انکو لاپتہ کر دیا ہے یہ پاکستان کی سیاسی تاریخ کا سیاہ ترین دور ہے۔
امید ہےشہباز شریف اور نام نہاد اپوزیشن لیڈر آج نگران وزیراعظم کا اعلان کردیں گےاور بات الیکشن کمیشن تک آگے نہیں بڑھنے دیں گےیہ سب ٹوپی ڈرامہ کر رہے ہیں نام انہوں نے فائنل کیا ہوا ہےایسے ہی اہمیت جتا رہے ہیں اور میڈیا میڈیا کھیل رہے ہیں یہ کمپنی کی مشہوری کے لئےجتنے مرضی دن لگالیں…
— Sheikh Rashid Ahmed (@ShkhRasheed) August 12, 2023