تفصیلات کے مطابق پاکستان کیخلاف پہلے ٹی ٹوئنٹی میں محمد حفیظ اور فخر زمان کو آؤٹ کرنے کے بعد تبریز شمسی نے اپنا جوتا اتار کر نمبر ڈائل کیا اور اسے کان سے لگایا۔اسپنر کی جانب سے سینئر کھلاڑی کو آؤٹ کرنے کے بعد ایسے رویے پر شائقین کرکٹ کی جانب سے تبریز شمسی تنقید کی زد میں تھے۔
اب جنوبی افریقی کرکٹر نے وضاحت پیش کرتے ہوئے کہا کہ جوتے سے فون ملانا جشن کے اظہار کا طر یقہ ہے جو وہ کئی برسوں سے اپنائے ہوئے ہوں۔تبریز شمسی نے کہا کہ اس کا ہرگز مطلب کسی کی ہتک عزت نہیں ہے۔
Really disappointed to be on the wrong side of the result today but congrats to @MHafeez22 for getting your 100th T20i cap today
Great achievement bhai ????
(PS: the shoephone celebration is just a fun thing I've done over the years and means no disrespect to the opposition) pic.twitter.com/Tuoi8Gy5gF
— Tabraiz Shamsi (@shamsi90) April 10, 2021
تبریز شمسی نے اپنے ٹوئٹ میں محمد حفیظ کو ٹی ٹوئنٹی میں 100 میچز مکمل کرنے کی مبارکباد بھی دی۔جنوبی افریقی کرکٹر کی جانب سے ٹوئٹر پر محمد حفیظ کے ہمراہ ماضی کی ایک ویڈیو بھی شیئر کی گئی۔
ویڈیو پیغام میں تبریز شمسی نے کہا کہ محمد حفیظ دوبارہ ایکشن میں آگئے ہیں جس کے جواب میں محمد حفیظ کہتے ہیں کہ تبریز شمسی کے ساتھ ایکشن میں آیا ہوں،محمد حفیظ تبریز شمسی سے کہتے ہیں کہ اس بات کو یقینی بنانا کہ جب وکٹ لو تو جوتے سے فون کرنا ہے۔محمد حفیظ کا یہ جملہ سُن کر تبریز شمسی اپنی چپل اتار کر کان پر لگاتے ہیں اور ہیلو کرتے ہیں۔