ایک نیوز: بجلی چوری میں ملوث بجلی کی تقسیم کار کمپنیوں کے عملے کےخلاف بڑی کارروائی مکمل کر لی گئی ہے۔
رپورٹ کے مطابق بجلی کی تقیسم کار کمپنیوں نے گریڈ سترہ سے بیس کے 1937افسران کے تبادلے کردئیے گئے ہیں۔بجلی کی تقسیم کار کمپنیوں نے بری شہرت رکھنے والے248افسران کو ہیڈکوارٹرز میں بھیج دیاہے۔پشاور الیکٹرک سپلائی کمپنی نے 68بری شہرت کے افسران کو ہیڈ کوارٹر یا کم اہم جگہ پر تعینات کردیا ہے۔
دستاویزات کے مطابق گریڈ سترہ کے 1290 ایس ڈی او اور آر اوز، گریڈ اٹھارہ کے 533 ایکسینز اور ڈی سی ایمز کوبھی تبدیل کر دیا گیا ہے۔گریڈ انیس کے 91اور گریڈ 20 کے 23افسران کو بھی تبدیل کردیا گیا ہے،لیسکو نے سب سےزیادہ 351گیپکو نے 142، فیسکو نے 201آفیسرز کو تبدیل کردیا ہے۔آئیسکو نے 221,میپکو نے314، پیسکو نے 307، حیسکو نے 122افیسرز تبدیل کردئیے ہیں۔سیپکو نے 86، کیسکو نے 168اور ٹیسکو نے 35افسران کو تبدیل کردیا ہے۔