ایک نیوز:نائیجریا کے شمال وسطی علاقے میں موجود مصنوعی جھیل میں مسافربردار کشتی الٹنے سے 26 افراد ہلاک جبکہ کئی لاپتہ ہو گئے ہیں۔
غیر ملکی میڈیا کے مطابق اتوار کے روز پیش آنے والےافسوس ناک واقعہ میں26 افراد ہلاک ہوگئےہیں،جس میں بچوں اور خواتین کی اکثریت شامل ہے۔
حکام کے مطابق کشتی پر خواتین اور بچوں سمیت100 سے زائد افراد سوار تھے، مسافر مصنوعی جھیل پر کشتی کے ذریعے اپنی زرعی زمینوں پر جا رہے تھے۔
حکام کے مطابق حادثے کا شکار ہونے والی کشتی میں سوار30 مسافروں کو ریسکیو کر لیا گیا ہے جبکہ دیگر لاپتا افراد کی تلاش کیلئے ریسکیو آپریشن جاری ہے۔
یاد رہے کہ اس سے قبل جولائی میں کشتی ڈوبنے کے واقعے میں100 سے زائد افراد ہلاک ہو گئے تھے۔
کیپشن: Nigeria: Boat accident, 26 passengers dead, many missing