ایک نیوز: پاکستان کے اوپننگ بلے بازعبداللہ شفیق کی سری لنکا کے خلاف زبردست سنچری کے بعد ان کی ماضی میں کی گئی سوشل میڈیا پوسٹ وائرل ہو گئی ہے۔
رپورٹ کےمطابق سری لنکا کیخلاف میچ میں عبداللہ شفیق نے 103 گیندوں پر 113 بنائے اور سری لنکا کے خلاف 345 رنز کا بڑا ہدف حاصل کرنے میں ٹیم کو مدد فراہم کی۔ عبداللہ شفیق کی اننگز میں 3 چھکے اور 10 چوکے شامل تھے، انہوں نے سری لنکا کے خلاف میچ میں 109.71 کے اسٹرائیک ریٹ سے بیٹنگ کی۔
عبداللہ نے ورلڈکپ میں ڈیبیو کیا تھا اور اس کارکردگی پر ان کی پاکستانیوں سمیت بھارتی تجزیہ کاروں اور سابق کرکٹرز نے بھی تعریف کی۔ میچ کے بعد سوشل میڈیا پر کرکٹر نے 3 سال قبل کی گئی ایک پوسٹ وائرل ہے، اس پوسٹ کو ایکس، انسٹاگرام اور فیس بک کے کئی میمز اور دیگر پیجز نے شیئر کیا ہے۔
عبداللہ شفیق کی جانب سے اپنی ایک تصویر شیئر کی گئی تھی جس میں وہ کاندھے پر بیگ اٹھائے کھڑے ہیں، ساتھ ہی انہوں نے خود کے لیے ایک پیغام بھی لکھا۔قومی بیٹر نے لکھا تھا 'ان شاء اللہ ایک دن میں خود کو اپنے اوپر فخر محسوس کرواؤں گا'۔
عبداللہ نے یہ پوسٹ 2020 میں کی تھی جو اب کرکٹر کی ورلڈکپ ڈیبیو میں شاندار کارکردگی پر وائرل ہوگئی ہے۔