ایک نیوز: قومی ٹیم کے وکٹ کیپر بلے باز محمد رضوان نے گزشتہ روز سری لنکا کے خلاف حاصل کی گئی شاندار فتح اسرائیلی بربریت کا شکار غزہ کے ’ بہن بھائیوں‘ کے نام کر دی۔
رپورٹ کے مطابق حیدر آباد کے اندھرا گاندھی اسٹیڈیم میں کھیلے گئے ورلڈکپ کے میچ میں پاکستان نے سری لنکا کی جانب سے دیا گیا 345 رنز کا ہدف 4 وکٹوں کے نقصان پر 10 گیندوں قبل پورا گیا۔پاکستان کی جانب سے عبد اللہ شفیق اور وکٹ کیپر محمد رضوان نے شاندار سنچریاں اسکور کیں اور محمد رضوان کو 131 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا۔
پاکستان کے علاوہ بھارت کے سابق و موجودہ کرکٹرز کی جانب سے بھی محمد رضوان اور عبد اللہ شفیق کی اننگز کی خوب تعریف کی جا رہی ہے اور اسے بھارت کے خلاف میچ کے لیے پاکستان کی اچھی تیاری بھی کہا جا رہا ہے۔
قومی ٹیم کے کپتان بابر اعظم نے سوشل میڈیا پر ایک بیان جاری کیا جس میں انہوں نے پوری ٹیم کی تعریف کرتے ہوئے کہا کہ میرے لڑکوں کی کمر پر تھپکی جو کبھی بھی نا نہیں کہتے، رضوان اور عبد اللہ شفیق نے جیت کی بنیاد ڈالی۔
سری لنکا کے خلاف میچ کے بہترین کھلاڑی محمد رضوان نے بھی سوشل میڈیا پر ایک بیان جاری کیا ہے۔محمد رضوان نے اپنے سوشل میڈیا پیغام میں لکھا یہ جیت غزہ میں موجود ہمارے بہن بھائیوں کے لیے ہے، ساتھ میں انہوں نے دعا والا ایموجی بھی بنایا۔
وکٹ کیپر بیٹر نے مزید لکھا جیت میں اپنا حصہ ملانے پر خوشی ہے لیکن جیت کا کریڈٹ پوری ٹیم کو جاتا ہے، خاص طور پر عبد اللہ شفیق اور حسن علی جو جنہوں نے قومی ٹیم کی جیت کو آسان بنایا۔محمد رضوان نے حیدرآباد کے عوام کا بھی خصوصی شکریہ ادا کرتے ہوئے کہا کہ حیدر آباد کے عوام نے بہترین میزبانی کی اور مکمل طور پر سپورٹ کیا۔
This was for our brothers and sisters in Gaza. ????????
— Muhammad Rizwan (@iMRizwanPak) October 11, 2023
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.