ایک نیوز : حماس اسرائیل جنگ سے متعلق خبروں کی تصدیق میں ایکس کے صارفین کو اسرائیل حماس کشیدگی سے متعلق غلط معلومات کے انبار کا سامنا کرنا پڑ رہا ہے۔
اگرچہ صحافی، محققین، اوپن سورس انٹیلی جنس کے ماہرین اور حقائق کی تحقیقات کرنے والے ادارے حماس کے حملوں اور اسرائیلی فوج کی جوابی کارروائی سے متعلق آن لائن شیئر کی جانے والی ویڈیو فوٹیج اور تصاویر کی مسلسل تصدیق کررہے ہیں۔
دنیا میں رونما ہونے والے بڑے بڑے واقعات اب تقریباً غلط معلومات سے منسلک ہیں جس کا مقصد بیانیے کو کنٹرول کرنا ہے۔ اسرائیل حماس تنازع کے بارے میں بھی بڑے پیمانے پر اور تیزی سے غلط معلومات کو شیئر کیا جارہا ہے خاص طور پر X پر۔
امریکی ریاست الاباما کے ایک محقق صحافی جسٹن پیڈن جنہیں Intel Crab کے نام سے آن لائن جانا جاتا ہے، نے X پر بتایا کہ بہت سی وجوہات کی بنا پر اس وقت یہاں پر کسی تنازع کا کامل اور صحیح احاطہ کرنا مشکل ہے۔ معتبر لنکس اب خود تصاویر ہیں۔ گراؤنڈ نیوز آؤٹ لیٹس مہنگے نیلے تصدیقی نشان کے بغیر اپنی خبروں کو سامعین تک پہنچانے کے لیے جدوجہد کررہے ہیں۔ پلیٹ فارم کے سی ای او کے ذریعے متعصب غنڈوں کو بھی ترغیب مل رہی ہے۔