ایک نیوز نیوز: برطانوی شاہی خاندان سے علیحدگی اختیار کرنے والے شہزادہ ہیری نے حال ہی میں ویڈیو کال پر ویل چائلڈ ایوارڈز کے فاتحین سے بات کی جس کے سوشل میڈیا پر کافی چرچے ہیں ۔
شہزادہ ہیری نے ویڈیو کال پر بات کرتے ہوئے یہ کہہ کر مداحوں کو حیران کر دیاکہ ’ہم سب کو ایک پالتو کتّے کی ضرورت ہوتی ہے جو کہ ہمیں پرسکون رکھے‘۔
ڈیوک آف سسیکس نے بتایا کہ’میرے پاس اس گھر میں اب 3 پالتو کتّے ہیں لہٰذا، ہمارے بنیادی طور پر 5 بچے ہیں‘۔
اُنہوں نے اپنے کتّوں کے نام بتاتے ہوئے کہا کہ’میرے پاس ایک سیاہ رنگ کا لیبراڈور ہے جسے پولا کہتے ہیں، ایک ریسکیو بیگل جسے گائے کہتے ہیں، اور ہمارے پاس ریسکیو بیگل ہے جسے میا کہہ کر پکارتے ہیں‘۔
شہزادہ ہیری نے بتایا کہ’یہ تینوں ہر روز گلہریوں کا پیچھا کرتے ہیں اور ہر روز ہمارے لیے پریشانی کا باعث بنتے ہیں‘۔
اُنہوں نے مزید کہا کہ’کتّے ہمارے لیے جذباتی طور پر 100 فیصد مددگار بھی ثابت ہوتے ہیں‘۔