ایک نیوز : پاکستان کرکٹ ٹیم کی ورلڈ کپ میں کارکردگی کے پوسٹ مارٹم کیلئے پی سی بی ہیڈ کوارٹرز میں آئندہ ہفتے اہم مشاورت کا آغاز ہو گا ۔
ذرائع پی سی بی کے مطابق مینجمنٹ کمیٹی کے چیئرمین ذکاء اشرف سابق کپتانوں اور سابق کرکٹرز سے ملاقاتیں کریں گے۔چیئرمین مینجمنٹ کمیٹی سابق کرکٹرز سے ملاقاتیں کر چکے ہیں ۔ ملاقاتوں اور مشاورت میں اب تیزی آنے کا امکان ہے ۔
ذرائع پی سی بی کے مطابق ٹیکنیکل کمیٹی کے سربراہ مصباح الحق سے فیڈ بیک لیا جائے گا ۔سابق کپتان محمد حفیظ سے ایک بار پھر بورڈ رابطہ کرنے کا خواہشمند ہے ۔ عمر گل اظہر علی سعید اجمل مشتاق احمد عاقب جاوید محسن خان سے مشاورتی عمل ہوگا۔ سابق کپتان معین خان سے بھی مشاورت ہو گی شاہد آفریدی سے چیئرمین ذکاء اشرف دوسری مرتبہ ملیں گے۔
چیئرمین کوچنگ اسٹاف میں تبدیلیوں کے حوالے سے مشاورت کریں گے ۔ کوچنگ اسٹاف کے معاہدوں پر قانونی مشاورت ہو گی ۔ریڈبال اور وائٹ کے لیے الگ الگ کپتان بھی مشاورتی ایجنڈے میں شامل ہیں۔ کوچنگ کے لیے جسٹن لینگر کا نام بھی لیا جانے لگا ۔
دوسری جانب کرکٹ بورڈ کے کچھ اعلی عہدیدار آسٹریلیا کا دورہ سر پر ہونے کی وجہ سے تبدیلیاں نہ کرنے کا مشورہ دینے لگے ہیں۔