ایک نیوز :سپرہٹ ڈرامہ سیریل ”تیرے بن“ کے سیزن ٹو کا اعلان کردیاگیاجو جلد نجی ٹی وی پرپیش کیا جائے گا ۔
پروڈیوسر عبداللہ کادوانی نے سوشل میڈیا پراعلان کیا کہ مزید خوبصورت لمحات کے لیے تیار ہو جائیں۔ ڈرامہ ”تیرے بن“ کے دوسرے سیزن کا آغاز دسمبر کے اختتام سے ہو رہا ہے۔
Exciting news for fans of "Tere Bin"! The highly anticipated announcement of "Tere Bin Season 2" is set for Friday December 29, 2023.. Get ready for more heartwarming moments .. Mark your calendars for this eagerly awaited revelation. InshALLAH, it's going to be fantastic & I…
— Abdullah Kadwani (@KadwaniOfficial) November 10, 2023
عبداللہ کادوانی نے لکھااپنے کیلنڈرز کو مارک کر لیں اور یہ تاریخ ذہن نشین کر لیں، ان شاء اللہ، یہ شاندار ہونے والا ہے اور میں وعدہ کرتا ہوں کہ آپ اسے پسند کریں گے۔
کچھ ماہ قبل ڈرامے کے پہلے سیزن کے اختتام پر مداحوں نے پروڈیوسرز سے فرمائش کی تھی کہ تیرے بن کا دوسرا سیزن لازمی آنا چاہیے، ڈرامے کے مرکزی کرداروں وہاج علی اور یمنیٰ زیدی کی جوڑی کو بھی مداحوں نے خوب پسند کیا تھا۔
ڈرامے میں منفی کردار نبھانے والی حیا اداکارہ سبینہ فاروق کے کردار کو بھی مداحوں کی جانب سے کافی پذیرائی ملی۔
واضح رہے کہ عبداللہ کادوانی کی جانب سے یہ واضح نہیں کیا گیا کہ آیا 29 دسمبر سے ڈرامے کا آغاز ہوگا یا 29 دسمبر کو ڈرامے کی شوٹنگ کی شروعات ہوگی۔