ایک نیوز نیوز: 9ماہ سے جاری جنگ کے دوران روس اور یوکرین میں ایک ایک لاکھ افراد ہلاک و زخمی ہوئے۔
انٹر نیشنل میڈیاکے مطابق امریکا کے چیئرمین جوائنٹ چیفس آف اسٹاف مارک ملی نے دعویٰ کیا ہے کہ سرد موسم آ رہاہے اس لیے فریق مذاکرات کریں۔
اعداد وشمار کے مطابق 9 ماہ سے جاری جنگ کے دوران روس اور یوکرین میں ایک ایک لاکھ افراد ہلاک و زخمی ہوئے۔
دوسری جانب امریکا نے یوکرین کے لیے مزید فوجی امداد کا اعلان کر دیا ہے۔
وائٹ ہاؤس کے مطابق فوجی امدادی پیکج میں فضائی دفاعی ساز و سامان، ہاک ائیر ڈیفنس سسٹم کے لیے میزائل شامل ہیں۔
وائٹ ہاؤس کے ترجمان کا کہنا ہے کہ اسٹنگر میزائلوں کے ساتھ امریکی ایونجر ائیر ڈیفنس سسٹم بھی امدادی پیکج میں شامل ہے۔
خیال رہے کہ روسی حملے کے بعد سے امریکا یوکرین کے لیے اب تک 18 ارب ڈالر سے زائد فوجی امداد کا اعلان کر چکا ہے۔