ایک نیوز :رمضان المبار کا چاند دیکھنے کیلئے مرکزی رویت ہلال کمیٹی کا اجلاس آج پشاور میں ہوگا ۔
تفصیلات کےمطابق اجلاس کی صدارت کمیٹی کے چیئرمین مولانا عبدالخبیر آزاد کریں گے ،اجلاس اوقاف ہال میں ہوگا، تمام انتظامات مکمل کرلئے گئے ۔اجلاس میں چاند نظر آنے یا نہ آنے کا اعلان کیا جائے گا ۔
دوسری جانب سعودی عرب میں رمضان المبارک کا چاندکل ہی نظر آگیا تھا اور وہاں پر آج پہلا روزہ ہوگا ۔سعودی عرب میں چاند دیکھنے کیلئے مملکت کی 10 آبزرویٹریز میں اجلاس ہوئے جبکہ سعودی سپریم کورٹ نے بھی عوام سے چاند دیکھنے کی اپیل کی تھی۔
سعودیہ کے بیشتر مقامات پر مطلع ابر آلود تھا تاہم سدیر شہر میں چاند نظر آنے کی شہادت ملی۔سعودی سپریم کورٹ نے شاہ سلمان بن عبدالعزیز، ولی عہد و وزیراعظم شہزادہ محمد بن سلمان، مملکت کے تمام شہریوں اور دنیا بھر کے مسلمانوں کو رمضان کی مبارکباد دی۔