ایک نیوز:وزیراعظم شہبازشریف کو سپورٹس کمپلیکس کی افتتاحی تقریب میں بیڈمنٹن،کیرم،ٹیبل ٹینس کھیلتے دیکھ کر کھلاڑی حیران رہ گئے۔
تفصیلات کے مطابق وزیراعظم شہبازشریف نے لاہور کے علاقے سبزہ زار میں سپورٹس کمپلیکس کا افتتاح کیا۔وزیراعظم نے سپورٹس کمپلیکس کے مختلف کھیل کے شعبوں ،کورٹس کا جائزہ لیا اور بہترین کام پر سراہا۔
وزیراعظم شہبازشریف نے کھلاڑی سے ریکٹ لے کر خود بیڈمنٹن کھیلی ۔
وزیراعظم شہبازشریف سے گفتگو کرتے ہوئے کھلاڑی کاکہنا تھاکہ ایشین چیمپئن شپ کھیلنے ایران جارہا ہوں۔ملک کا نام روشن کروں گا ۔وزیراعظم نے جواب میں کہا کہ وہاں سے جیت کرواپس آنا۔
وزیراعظم شہبازشریف کیرم بورڈ اور ٹیبل ٹینس کھیل کر بھی لطف اندوز ہوئے ۔نگران وزیراعلیٰ محسن نقوی ودیگر افسران بھی ہمراہ تھے ۔