ایک نیوز: افسوسناک خبر۔حافظ آباد کےعلاقے سوئیانوالہ میں گیارہویں جماعت کی طالبہ سے 3 ملزمان کی مبینہ زیادتی،والد کی مدعیت میں مقدمہ درج کرلیاگیا۔
پولیس کے مطابق طالبہ کے والد کی مدعیت میں 2 خواتین سمیت 5 ملزمان کے خلاف مقدمہ درج کرلیا گیا ہے، پولیس نے کارروائی کرتے ہوئے مرکزی ملزم اور سہولت کار 2 خواتین کو گرفتار بھی کرلیا ہے۔
والد نے پولیس کو دیے گئے بیان میں بتایا کہ بیٹی ٹیوشن سےگھر واپس آرہی تھی، ملزمان نے 2 خواتین کی مدد سے اسےاغوا کیا۔
پولیس حکام کے مطابق طالبہ اور گرفتار ملزم کا ڈی این اے کرالیا ہے جبکہ دیگر 2 ملزمان کی گرفتاری کے لیے اسپیشل ٹیم تشکیل دیدی گئی ہے۔