چین : طالب علم کےلنچ میں چوہایابطخ کاسر؟

ایک نیوز:چین میں ایک طالب علم کوسکول کے کیفے ٹیریا میں فراہم کیے جانے والے کھانے میں چوہے کے سر جیسے نظر آنے والی چیز ملنے کا معاملہ چینی سوشل میڈیا پر کافی توجہ حاصل کر گیا ہے اور یہ ریٹ ہیڈ گیٹ اسکینڈل کے نام سے مشہور ہوگیا ہے، تاہم سکول کا دعویٰ ہے کہ یہ بطخ کا سر ہے۔
تفصیلات کےمطابق یہ واقعہ چین کے علاقے نانچانگ میں واقع جیانگژی ووکیشنل ٹیکنیکل کالج آف انڈسٹری ٹریڈ میں گزشتہ ہفتے پیش آیا۔ 
ہوا یوں کہ طلبہ لنچ کررہے تھے کہ انہیں اپنی چاول کی پیالی میں چوہے سر سے مشابہہ شے نظر آئی جس پر انہوں نے اپنا فون نکال کر اس کی ویڈیو بنائی اور کیفے ٹیریا اسٹاف کو بلا کر شکایت کی۔ جس پر ان کا کہنا تھا کہ یہ چوہے کا سر نہیں بلکہ بطخ کا سر ہے۔ 
واضح رہے کہ بطخ کا سر اور گلا اہم چینی ڈشز میں شامل ہے لیکن طلبہ اس وقت یہ آرڈر نہیں کیا تھا اور نہ ہی یہ بطخ کا سر لگ رہا تھا۔