ایمازون کے جنگلات میں طیارہ حادثے کے5 ہفتے بعد4 بچے زندہ مل گئے

ایک نیوز:ایمازون کے جنگلات میں طیارے حادثے کے تقریباً 5 ہفتوں بعد چار بچے معجزاتی طور پر زندہ مل گئے۔
غیرملکی میڈیا کے مطابق کولمبیا اورایمازون کے علاقے میں سرحد کے قریب چھوٹا طیارہ ایمازون کے جنگلات میں حادثے کا شکار ہوا تھا جس کے بعد جہاز میں سوار 4بچے لاپتا ہوگئے تھے تاہم اب عسکری کولمبیا کے صدر نے معجزاتی طور پر بچوں کے زندہ سلامت ملنے کی تصدیق کردی ہے۔
میڈیا رپورٹس میں بتایا گیا ہےکہ یکم مئی کو سیسنا206 طیارہ7 افراد کو لے کر ایمازون میں پرواز کررہا تھا کہ اس کا انجن فیل ہوگیا جس پر طیارہ جنگل میں گرکرتباہ ہوگیا جس کے نتیجے میں پائلٹ اوربچوں کی ماں سمیت3 افراد ہلاک ہوگئے تھے جن کی لاشیں جہاز کے اندر سے ملی تھیں۔
میڈیا رپورٹس کے مطابق زندہ بچنے والے بچوں کی عمریں 13،9،4 سال ہیں جب کہ ان میں ایک12 ماہ کا بچہ بھی شامل ہے جنہیں طبی امداد کیلئےہسپتال منتقل کردیا گیا ہے۔