ایک نیوز: اے این ایف کا منشیات اسمگلنگ کے خلاف کریک ڈاؤن کا سلسلہ جاری ہے۔ گزشتہ 24 گھنٹوں کے دوران 5 کارروائیوں میں 250 کلو منشیات برآمد کرکر 4 ملزمان کو گرفتارکرلیا گیا۔
راولپنڈی میں واقع کوریئر آفس میں تھائی لینڈ سے بھیجے گئے پارسل سے 637 گرام ویڈ برآمد ہوئی جس پر3 ملزمان گرفتار کرلیے گئے۔
صوابی انٹرچینج کے قریب 128.5 کلو چرس اور 53.5 کلو افیون برآمد کرلی گئی۔ رنگ روڈ پشاور کے قریب ملزم سے 36 کلو چرس برآمد ہوئی۔
شیر شاہ ٹول پلازہ ملتان کے قریب 26.4 کلو چرس برآمد کرکے ملزم گرفتار کرلیا گیا۔ خیبر کے علاقے زخہ خیل سے 5 کلو چرس برآمد کی گئی۔
گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔