ایک نیوز: اسٹار فٹبالر کرسٹیانو رونالڈو نے باضابطہ طور پر سعودی کلب فٹبال النصر کو جوائن کیاجس کے بعد انکے انسٹاگرام فالوورز میں 1 کروڑ کی زائد کا اضافہ دیکھا گیاہے۔
رپورٹ کے مطابق رونالڈو اور سعودی کلب کے درمیان گزشتہ ماہ کے آخر میں ڈھائی سالہ معاہدہ کاطے پایا تھا جس کے تحت النصر کلب انہیں 21 کروڑ 30 لاکھ ڈالرز معاوضہ ادا کرے گا۔رونالڈو اور النصر کی جانب سے اس معاہدے کا اعلان مشترکہ طور پر انسٹاگرام پوسٹ کے ذریعے کیا گیا جس کو 3 کروڑ سے زائد لوگوں نے لائیک کیا ۔
واضع رہے کہ کرسٹیانو رونالڈو کے کلب جوائن کرنے کے بعد سے النصر کے سوشل میڈیا اکاؤنٹ پر فالوورز کی تعداد میں حیران کن اضافہ ہوا ہے۔ 30 ستمبر کو رونالڈو سے معاہدہ کرنے سے قبل فٹبال کلب النصر کے فالوورز کی تعداد 8 لاکھ سے زائد تھی جو اب حیران کن طور پر ایک کروڑ 10 لاکھ سے بھی زیادہ ہوگئی ہے۔رونالڈو گزشتہ دنوں اپنی فیملی کے ہمراہ پرائیوٹ جیٹ میں سعودی دارالحکومت پہنچے جہاں ان کا پرتپاک استقبال کیا گیا۔ اُن کی آمد کی تقریب مرسول پارک اسٹیڈیم میں ہوئی اور اس تقریب میں رونالڈو اور النصر کے فینز نے بڑی تعداد میں شرکت کی۔ اسٹار فٹبالر کلب کی جرسی پہن کر میدان میں آئے تو مداحوں نے اس موقع پر بھرپور جشن منایا۔ رونالڈو کے آنے کی خوشی میں النصر کلب میں ہونے والی تقریب کو 3 ارب سے زیادہ لوگوں نے سوشل میڈیا پر دیکھا جبکہ فیفا ورلڈ کپ کے فائنل کو اس کے مقابلہ میں 2 ارب لوگوں نے سوشل میڈیا پر دیکھا۔