ایک نیوز: تعلیمی اداروں سے بڑی خبر سامنے آئی ہے۔ جہاں محکمے کی جانب سے یونیفارم کی قید ختم کردی گئی ہے۔
تفصیلات کے مطابق فیڈرل ڈائریکٹوریٹ آف ایجوکیشن (ایف ڈی ای) نے اپنے زیرانتظام چلنے والے تعلیمی اداروں میں یونیفارم کی قید ختم کردی ہے۔ یہ فیصلہ اسلام آباد میں حالیہ سردی کی لہر کے تناظر میں کیا گیا ہے۔ جس کا نوٹی فکیشن جاری کردیا گیا ہے۔
The same applies to all private schools/edu institutions regstrd with Private Educational Institutions Regulatory Authority, Islamabad. Relaxation as mentioned in notification, granted in opening timings and uniform so as to protect our students from cold weather. https://t.co/FsahJ95JGq pic.twitter.com/CgViNROR8l
— Rana Tanveer Hussain (@RTanveerPMLN) January 10, 2023
نوٹی فکیشن کے مطابق طلباء اپنے آپ کو گرم رکھنے کے لیے کسی بھی رنگ اور قسم کا گرم لباس زیب تن کرسکتے ہیں تاکہ وہ سردی کی شدت سے محفوظ رہ سکیں۔
پرائیویٹ ایجوکیشنل انسٹی ٹیوشنز ریگولیٹری اتھارٹی (پی ای آئی آر اے) اسلام آباد کے تحت رجسٹرڈ تمام نجی تعلیمی ادارے بھی اس نوٹیفکیشن پر عمل کے پابند ہوں گے۔
اس کے علاوہ نجی تعلیمی اداروں کو پابند کیا گیا ہے کہ وہ تعلیمی ادارے کسی صورت صبح 8 بجکر 30 منٹ سے پہلے نہیں کھولیں گے۔ یہ اوقات کار جنوری اور فروری کے مہینوں میں نافذ العمل ہیں۔ نئے اوقات کار 11 جنوری سے تاحکم ثانی نافذ العمل ہوگا۔
یاد رہے کہ ملک بھر میں سردی کی ایک شدید لہر جاری ہے۔ پاکستان کے زیادہ تر علاقوں میں موسم انتہائی حد تک گر چکا ہے۔