ویب ڈیسک:یرغمالیوں کی رہائی مؤخر کرنے پر امریکی صدر کی دھمکی پر حماس نے ردعمل کا اظہار کیا ہے۔
اس حوالے سے حماس کے رہنما سامی ابو زہری نے غیر ملکی خبر ایجنسی سے گفتگو کرتے ہوئے کہا کہ ٹرمپ کو یاد رکھنا چاہئے کہ جنگ بندی معاہدے کا احترام دونوں فریقوں کو کرنا ہے۔
حماس رہنما نے مزید کہا کہ اسرائیل کی طرف سے معاہدے کا احترام ہی یرغمالیوں کو واپس لانے کا واحد راستہ ہے،دھمکیوں کی زبان کی کوئی اہمیت نہیں، یہ صرف مسائل اُلجھا دے گی۔
خبر ایجنسی کے مطابق حماس نے گزشتہ روز یرغمالیوں کی رہائی مؤخر کرنے کا اعلان کیا تھا،امریکی صدر نے یرغمالیوں کی رہائی روکنے پر معاہدہ ختم کر کے اسرائیلی حملے شروع ہونے کی دھمکی دی ہے۔