ایک نیوز: پاکستان اسٹاک ایکسچینج میں کاروبار کا اختتام ، کاروباری ہفتے کے دوسرے روز مارکیٹ میں نمایاں تیزی رہی۔
تفصیلا ت کے مطابق کاروبار کے اختتام پر ہنڈرڈ انڈیکس ایک ہزار 632پوائنٹس اضافہ کے ساتھ ایک لاکھ 13ہزار 10پوائنٹس پر بند ہوا۔
اسٹاک مارکیٹ میں دن بھر مجموعی طور پر 447 کمپنیوں کے شیئرز میں کاروبار ہوا ، 264 کمپنیوں کے شیئرز کی قیمتوں میں اضافہ جبکہ 117 کے شیئرز میں کمی ہوئی۔
بازار میں 48 کروڑ 69 لاکھ سے زائد شیئرز کا لین دین ہوا ، 30 ارب 38 کروڑ سے زائد مالیت کے شیئرز کے سودے ہوئے ، مارکیٹ کی بلند ترین سطح 113،233 جبکہ کم ترین سطح 111،834 پوائنٹس رہی۔
دوسری جانب انٹر بینک میں کاروبار کے اختتام پر ڈالر 5پیسے سستا ہوا، جس کے بعد ڈالر 279روپے 22پیسے سے کم ہوکر 279روپے 17پیسے پر بند ہوا۔