محکمہ موسمیات کی ملک میں موسم بارے بڑی پیشگوئی 

ایک نیوز: محکمہ موسمیات کے مطابق ملک کےبیشترعلاقوں میں موسم سرداورخشک رہنےکی پیشگوئی کی ہے،بالائی خیبرپختونخوا،کشمیراورگلگت بلتستان میں بارش،ہلکی برفباری متوقع ہے۔
گزشتہ 24گھنٹوں کے دوران بیشتر علاقوں میں موسم سرد رہا، گذشتہ24گھنٹوں کے دوران پہاڑی علاقوں میں موسم شدید سردریکارڈ ،لہہ میں سب سے کم درجہ حرارت منفی 6 ڈگری سینٹی گریڈ ریکارڈ کیا گیا ،گوپس میں منفی5، سکردو،استور، پاراچنارمیں پارہ منفی4ڈگری رہا ہنزہ، بگروٹ میں پارہ منفی2 ا و رکالام میں منفی1ڈگری سینٹی گریڈریکارڈکیا گیا۔
دوسری جانب کراچی میں موسم سرما کا اختتام ہورہا ہے، آج سے درجہ حرارت میں بتدریج اضافے کا امکان شہر قائد میں سمندری ہواوں کا راج، مرطوب موسم کا آغاز آج صبح کم سے کم درجہ حرارت 15.5 ڈگری سینٹی گریڈ ریکارڈ ہوا۔
  محکمہ موسمیات کا کہنا ہے کہ شہر قائد کا موجودہ درجہ حرارت 22 ڈگری سینٹی گریڈ ہے، ہوا میں نمی کا تناسب 88 فیصد ہے، آج زیادہ سے زیادہ درجہ حرارت 33 ڈگری سینٹی گریڈ رہنے کا امکان ہے، جنوب مغربی سمت سے 12 کلو میٹر فی گھنٹہ کی رفتار سے ہوائیں چل رہی ہیں۔