رات شیخ رشید کو کسی سے ملوانے لے کر گئے، شیخ راشد شفیق

ایک نیوز: سابق وزیرِ داخلہ شیخ رشید کے بھتیجے شیخ راشد شفیق کا کہنا ہے کہ مری سے واپسی پر رات شیخ رشید کو کسی سے ملوانے لے کر گئے۔ شیخ رشید نے کہا دن کی روشنی میں جس سے ملوانا ہے ملوں گا رات کے اندھیروں میں نہیں ملوں گا۔

تفصیلات کے مطابق راولپنڈی میں آر او آفس این اے 62 کے باہر میڈیا سے گفتگو کرتے ہوئے شیخ راشد شفیق نے کہا کہ وفاداریاں تبدیل کرنے کا کہا جا رہا ہے، شیخ صاحب نے کہا عمران خان کے ساتھ ہوں۔

شیخ راشد شفیق کا کہنا ہے کہ رات 7 بجے جیل سے فون آیا کہ ہم شیخ رشید کو پیش نہیں کر رہے۔جیل سپرنٹنڈنٹ نے مجسٹریٹ کا حکم ماننے سے انکار کیا، جیل سپرٹنڈنٹ نے کہا کہ آر او سے آڈر لے کے آئیں،جیل سپرٹنڈنٹ کی جانب سے دونوں آڈر کو ماننے سے انکار کیا گیا ہے۔

شیخ راشد شفیق نے مزید کہا کہ آر او نے شیخ رشید کے کاغذات نامزدگی منظور کر لیے ہیں۔ شیخ رشید کے ایک ہزار سے زائد بینرز ہٹائے جا رہے ہیں،مری سے واپسی پر بھی رات شیخ رشید کو کسی سے ملوانے باہر لے کے گئے ، شیخ رشید نے کہا دن کی روشنی میں جس سے ملوانا ہے ملوں گا رات کے اندھیروں میں نہیں ملوں گا۔

https://www.pnntv.pk/uploads/digital_news/2023-02-11/news-1676098301-3301.mp4