ایک نیوز:صوفی گلوکارہ صنم ماروی نے نیا صوفیانہ کلام جاری کرلیا جو خصوصی طور پر13 رجب حضرت علیؓ کے یوم ولادت کے موقع پر ریلیز کیا گیا۔
کلام کو گلوکارہ صنم ماروی نے پیش کیا ہے ۔ تحریر وقار فیض نے جبکہ موسیقی کی ہدایت کاری رشیل نے کی ہے ۔ ویڈیو دلکش قدرتی مناظر سے بھر پور نظر آئی ۔ ہر طرف کائنات کو بنانے والے اور اس کے خوبصورت کرشموں کے بکھرے رنگ نمایاں کیے گئے ۔ جھیل ، جھرنے ، جنگلات ، وادیاں ، ویران بستیاں ، صحرا ، پہاڑ ، دریا اور سمندر حتیٰ کہ کائنات کی ہر چھوٹی سے چھوٹی شے خالق کی موجودگی کا پتا دیتی ہے ۔
ویڈیو میں ایک ضعیف آدمی نے لاٹھی کے سہارے پیدل سفر اور کائنات پر غور و فکر کرکے صوفی مزاج کی بھرپور عکاسی کی گئی ۔
یہ صوفیانہ مزاج اور انداز ہی تو ہے جو ہر چیز سے بے پرواہ کرکے انسان کو خالق کائنات سے جوڑ دیتا ہے ۔ صرف اور صرف اللہ پر بھروسہ کرنا سکھاتا ہے ۔