ایک نیوز نیوز: سکیورٹی فورسز،سی ٹی ڈی نے دہشت گردوں کی افغانستان سے پاکستان میں داخل ہونے کی کوشش ناکام بنادی۔
تفصیلات کے مطابق ،سی ٹی ڈی کے انٹیلیجنس بیسڈ آپریشن میں داعش کمانڈر سمیت 4 دہشتگرد ہلاک ہوگئے، دہشتگرد افغانستان سے پاکستان میں داخل ہونے کی کوشش کررہے تھے۔ دہشت گردوں کی افغانستان بارڈرپار کرنے کی اطلاع پر سیکورٹی فورسز اور سی ٹی ڈی نے انٹیلیجنس بیسڈ آپریشن کیا۔آپریشن کے دوران انٹیلی جنس بیسڈآپریشن ٹیم کا سامنا ہونے پر دہشت گردوں نے فائرنگ کردی۔ جوابی فائرنگ میں 4 دہشت گرد ہلاک ہوگئے۔سی ٹی ڈی پولیس کا کہنا تھا کہ ہلاک دہشت گردوں میں داعش کا مقامی کمانڈر محمد داؤد شامل ہیں جبکہ 2ہلاک دہشت گردوں کی شناخت عبداللہ اورمحمد لائق کےنام سے ہوئی تاہم ایک ہلاک دہشت گرد کی شناخت تاحال نہ ہوسکی۔ ہلاک دہشت گردوں 2 ہینڈ گرنیڈ، 2 کلاشنکوف،6 میگزینز اور،2 پستول برآمد کیےگئے جبکہ درجنوں کارتوس ،شناختی کارڈ سمیت پاکستانی کرنسی دیگر سامان برآمد ہوا۔