عرفی جاوید رنبیرکپور سے متعلق توہین آمیز الفاظ استعمال کرنے کی تردید

 ایک نیوز :بالی وڈکی ماڈل عرفی جاوید نےاداکار رنبیر کپور کے خلاف توہین آمیز الفاظ استعمال کرنے کی سختی سے تردید کردی ۔
بھارتی میڈیا میں یہ خبریں سامنے آئی تھیں کہ عرفی جاوید نے رنبیر کپور کو اپنے متعلق بیان پر سوشل میڈیا میں سخت تنقید کا نشانہ بناتے ہوئے ان کے خلاف توہین آمیز الفاظ منہ سے نکالے ہیں۔
عرفی جاوید نے اب سامنے آکر وضاحت کی ہے کہ ر نبیر کپور کے متعلق انہوں نے کوئی غلط زبان استعمال نہیں کی ہے اور یہ خبریں بے بنیاد ہیں۔
 بھارتی ماڈل کاکہنا تھا کہ میرے دل میں بطور اداکار رنبیر کپور کیلئے بہت زیادہ احترام ہے اور میں ان کے خلاف یا انڈسٹری میں کسی کے خلاف بھی ایسی زبان استعمال نہیں کروں گی۔
عرفی جاوید نے کہا کہ ان سے متعلق کسی بھی خبر کو لگانے سے قبل اس کی تصدیق کرلیا کریں۔
واضح رہے کہ اداکارہ کو اپنے نیم برہنہ اور غیر روایتی فیشن سینس کی وجہ سے اکثر تنقید کا نشانہ بنایا جاتا ہے اور وہ ٹی وی پروگرام ’بڑے بھیا کی دلہن‘ اور ’یہ رشتہ کیا کہلاتا ہے‘ میں اپنی اداکاری کے جوہر دکھا چکی ہیں۔