ایک نیوز: اینی میٹڈ فلم دی سپر ماریو بروز نے ریلیز ہوتے ہی باکس آفس پر تہلکہ مچا دیا۔
تفصیلات کےمطابق فلم نے ایک ہفتے کے دوران دنیا بھر سے 37.7 کروڑ ڈالرز کا بزنس کیا ہے۔فلم نے مقامی باکس آفس سے 20.4 کروڑ جب کہ عالمی باکس آفس سے 17.3 کروڑ ڈالرز کا بزنس کیا ہے۔
غیرملکی میڈیا کہ مطابق دی سپر ماریو بروز نے ویڈیو گیم ایڈاپشن فلم وار کرافٹس اور اینی میٹڈ فلم فروزن 2' کو بھی پیچھے چھوڑ دیا ہے۔ جنہوں نے بالترتیب 21 کروڑ اور 35.8 کروڑ ڈالرز کا اوپننگ بزنس کیا تھا۔دی سپر ماریو بروز کو 2023 کی سب سے بڑی اوپننگ فلم بھی کہا جا رہا ہے۔ جب کہ اس فلم نے دوسری بڑی اینی میٹڈ اوپننگ کا بھی اعزاز حاصل کر لیا ہے۔
Love really makes a turtle come out of his shell.#SuperMarioMovie pic.twitter.com/U26p0U75mW
— The Super Mario Bros. Movie (@supermariomovie) April 10, 2023
اس وقت مقامی باکس آفس پر فلم دی سپر ماریو بروز پہلے نمبر پر ہے۔فلم جان وک،چیپٹر4' اور ڈنجنز اینڈ ڈریگن، اونر امنگ تھیوز بالترتیب دوسرے اور تیسرے نمبر پر ہیں اور دونوں فلموں نے اب تک بالترتیب 1.46 کروڑ اور 1.45 کروڑ ڈالرز کا بزنس کیا ہے۔اسی طرح چوتھے اور پانچویں نمبر پر فلم ایئر اور اسکریم سکس ہیں جنہوں نے باکس آفس پر بالترتیب 1.45 کروڑ اور 30 لاکھ 30 ہزار ڈالرز کا بزنس کیا ہے۔
واضح رہے فلم کی ہدایات ایرن ہورواتھ اور مائیکل جلینک نے دی ہیں جب کہ اس میں کرس پریٹ ماریو کی آواز بنے ہیں۔