ایک نیوز :گانے کے منفرد انداز سے سوشل میڈیا پر وائرل ہونے والےچاہت فتح علی خان نے اپنی سیاسی پارٹی بنالی ، ان کی ایکسپرٹ ٹیم بھی تیار ، وزیراعظم بننے کی تیاریاں بھی شروع کردیں ۔
تفصیلات کےمطابق چاہت فتح علی خان نے پاکستان کا وزیر اعظم بننے اور ملک میں حقیقی تبدیلی لانے کی خواہش کا اظہار کر دیا۔اپنی منفرد اور دلچسپ ویڈیوز کے ذریعے وائرل ہونے والے چاہت فتح علی خان نے اب ملک میں حقیقی تبدیلی کے لیے پاکستان کا وزیر اعظم بننے کی خواہشں کا اظہار کیا ہے۔
ایک انٹرویو میں چاہت فتح علی خان نے کہا کہ پاکستان ڈیولپمنٹ پارٹی (پی ڈی پی) کے نام سے اپنی سیاسی پارٹی تشکیل دی ہے اب اپنی پارٹی کے ایجنڈے کو عملی شکل دینا چاہتا ہوں اور اس کے لیے وزیر اعظم بننے کا خواہشمند ہوں۔
علاوہ ازیں وہ بھی پاکستان میں حقیقی تبدیلی کے دعویدار ہیں۔چاہت فتح علی خان نے دعویٰ کیا ہے کہ اس تبدیلی کے لیے ان کے لیے ان کے پاس پلان ، ایجنڈا اور ویژن موجود ہے۔ وہ اپنی فیملی کے لیے نہیں پورے ملک کے لیے سوچتے ہیں۔انہوں ایک سوال کے جواب میں اس بات پر رضامندی کا اظہار کیا کہ اگر انہیں سلیکٹڈ وزیراعظم بھی بننا پڑا تو وہ اس کے لیے بھی تیار ہیں۔