ایک نیوز نیوز: پاکستانی سنگراورایکٹرعلی ظفر نے کہا کہ شاہ رخ خان کواس وقت ان کے ساتھ کام نہیں کرنا چاہیئے، کیونکہ ایسے ہی مشکلیں بڑھ جاتی ہیں۔
کونیٹ ایف ایم کینیڈا پر جب علی ظفر سے شاہ رخ خان کے ساتھ کام کرنے کےلئے کہا گیا تو انہوں نے کہا کہ یار ابھی فل حال تو وہ میرے سے نہ ہی کولیبوریٹ کریں، وہاں پے ایسے ہی مشکلیں بڑھ جاتی ہیں۔
اگرچہ علی ظفر نے شاہ رخ کے ساتھ کام کرنے سے اجتناب کیا، لیکن شہناز گل کے ساتھ کام کرنے کی خواہش کا اظہار کیا۔
علی ظفر نے کہا شہناز اگر آپ چاہیں تو میں آپ کے ساتھ ایک گانے میں کولیبوریٹ کرنا پسند کروں گا۔
علی ظفراورشاہ رخ خان نے 2016 میں ڈئیر زندگی میں اکٹھے کام کیا تھا، تاہم وہ اکٹھے سکرین پر نمودار نہیں ہوئے تھے۔ فلم میں لیڈ رول عالیہ بھٹ کا تھا۔
علی ظفر نے 2010 میں تیرے بن لادن فلم کے ساتھ بالی ووڈ میں ڈیبیو کیا تھا، اور 9 ہندی فلموں میں کام کیا تھا۔ ڈئیر زندگی ان کی آخری بالی ووڈ مووی تھی۔ ستمبر 2016 میں اُری میں دہشت گرد حملے کے بعد بھارت نے پاکستانی ایکٹروں پر بالی ووڈ میں کام کرنے پر پابندی لگا دی تھی۔
ڈئیرزندگی میں بھی علی ظفر کے رول کو بدلنے کی افواہیں اڑی تھیں، لیکن جب فلم ریلیز ہوئی تو ایسا نہیں ہوا تھا۔