ہم پاور پلے میں مطلوبہ نتائج حاصل نہیں کرپارہے،گرانٹ بریڈبرن 

ایک نیوز:قومی ٹیم کےہیڈکوچ گرانٹ بریڈبرن کاکہناتھاکہ ہم پاور پلے میں مطلوبہ نتائج حاصل نہیں کرپارہے،ہمیں کھلاڑیوں پر پورا اعتماد ہےکہ وہ ٹیم کو اچھا آغاز فراہم کرنے کی صلاحیت رکھتے ہیں۔
بھارت میں پریس کانفرنس کرتےہوئےقومی ٹیم کےہیڈکوچ گرانٹ بریڈبرن کاکہناتھاکہ بطور ٹیم ہر حریف اور اس کی صلاحیتوں کا احترام کرتے ہیں، ہم بطور ٹیم اس بات پر فوکس ہیں کہ ہمیں جیت کیلئےکس طرح پرفارم کرنا ہے، ہم نے ابھی اپنا بہترین کھیل پیش نہیں کیا لیکن یہ تشویش کی بات نہیں ہے، یقین ہے کہ بہت جلد ٹیم اپنا بہترین کھیل پیش کرےگی۔
ان کامزیدکہناتھاکہ سری لنکا کے خلاف میچ کی تیاریوں میں مکی آرتھر ہمارا اہم ہتھیار  ہیں، ٹیم میٹنگ میں مکی آرتھر نے سری لنکن کھلاڑیوں کے بارے میں کافی تفصیلی پوائنٹ بتائے۔مکی آرتھر پہلے سری لنکا کی کوچنگ بھی کرچکے ہیں، انہیں ان کے بارے میں بہت کچھ معلوم ہے۔
گرانٹ بریڈبرن کاکہناتھاکہ حیدرآباد کی کنڈیشن کے بارے میں مختلف معلومات کی بنیاد پر اپنا ہوم ورک کیا ہے، حیدرآباد میں ہونے والے انٹرنیشنل اور ڈومیسٹک میچوں کی ویڈیو دیکھی ہیں۔
ان کامزیدکہناتھاکہ اس بات میں کوئی شک نہیں کہ ہم پاور پلے میں مطلوبہ نتائج حاصل نہیں کرپارہے،ہمیں کھلاڑیوں پر پورا اعتماد ہےکہ وہ ٹیم کو اچھا آغاز فراہم کرنے کی صلاحیت رکھتے ہیں، ہمیں ابھی وہ ٹیمپو نہیں مل رہا جو ہم چاہتے ہیں، ہم کھلاڑیوں سے متاثر کن پرفارمنس چاہتے ہیں، اس وقت ہمارا فوکس آئندہ میچ میں دو پوائنٹ حاصل کرنے پر ہے۔