پاک زمبابوے کرکٹ سیریز، زمبابوین کرکٹ بورڈ کا 5 رکنی وفد انتظامات کا جائزہ لینے آج صبح لاہور پہنچا۔ وفد ہوٹل میں بائیو سکیور ببل کا جائزہ لے گا، مہمان وفد کل قذافی سٹیڈیم بھی جائے گا۔
لاہورپہنچنے پر وفد کی کوویڈ ٹیسٹنگ کی گئی، زمبابوین وفد کوویڈ ٹیسٹ رپورٹ آنے تک ہوٹل میں رہے گا۔ وفد اسٹیڈیم میں بائیو سیکیور ببل اور دیگرانتظامات کا جائزہ لے گا۔ وفد سیکیورٹی اور میڈیکل حکام سے ملاقاتیں بھی کرے گا۔ وفد لاہور میں انتظامات کا جائزہ لینے کے بعد راولپنڈی کا دورہ کرے گا۔