ارشد شریف کے جسم پر تشددکے نشانات ،پمز ہسپتال کے ڈائریکٹرز کی تصدیق

ایک نیوز نیوز : پمز ہسپتال کے ڈائریکٹر ڈاکٹر خالد مسعود نے ارشد شریف کے جسم پر تشدد کے نشانات کی تصدیق کردی ۔
تفصیلات کےمطابق پمز ہسپتال کے ڈائریکٹر ڈاکٹر خالد مسعود نےکہا کہ مقتول صحافی ارشد شریف کے جسم  پر زخموں کے نشان ہیں، کچھ ناخن بھی نہیں، تصاویر  پمز اسپتال سے ہی لیک ہوئی ہیں، پوسٹ مارٹم کرنے والی ٹیم کے سربراہ نے ارشد شریف کے جسم پر تشدد کے 12 نشانات کی نشاندہی کی ہے۔
ڈاکٹر خالد مسعود نے بتایا کہ ابتدائی رپورٹ کے مطابق ارشد شریف کی دائیں کلائی پر تشدد کے نشانات ملے، سیدھے ہاتھ کی 4 انگلیوں کے ناخن نہیں تھے، بائیں ہاتھ کی انگلی پر بھی زخم کا نشان ملا، اس طرح 12 مختلف جگہوں پر زخم کے نشانات ملے، اس حوالے سے فارنزک ہو رہا ہے جس کی رپورٹ میں سامنے آسکےگا کہ کتنا تشدد ہوا، ہوا بھی یا نہیں ہوا ۔ ڈاکٹر خالد مسعود نے تصدیق کی کہ صحافی ارشد شریف کی تصاویر پمز اسپتال سے ہی لیک ہوئیں،  اس حوالے سے ہم تحقیق کررہے ہیں کہ یہ کیسے ہوا۔