بھارت کو عبرتناک شکست، پاک انگلینڈ فائنل ٹاکرا اتوار کو ہوگا

بھارت کو عبرتناک شکست، پاک انگلینڈ فائنل ٹاکرا اتوار کو ہوگا

ایک نیوز نیوز: آئی سی سی ٹی 20 ورلڈ کپ کے دوسرے سیمی فائنل میں انگلینڈ نے بھارت کو  10 وکٹوں سے شکست دے دی۔  انگلش ٹیم نے 169 رنز کا ہدف 16ویں اوور میں عبور کر لیا۔ پاکستان اور  انگلینڈ کے درمیان فائنل میچ اتوار کو میلبورن کرکٹ گراؤنڈ (MCG) میں کھیلا جائے گا۔ 

رپورٹ کے مطابق انگلینڈ کے اوپنرز بیٹسمینوں نے انڈین باؤلرز کے چھکے چھڑا دئیے۔ جوز بٹلر نے 80 اور الیکس ہیلز 86 رنز  کی دھواں دار ناقابل شکست اننگز کھیلی۔ کوئی بھی بھارتی کھلاڑی وکٹ حاصل نہیں کر سکا۔ 

To the MCG in style ????

قبل ازیں انگلینڈ کے کپتان جوس بٹلر نے ٹاس جیت کر بھارت کو پہلے بلے بازی کی دعوت دی۔ بھارت نے بیٹنگ کرتے ہوئے 6 وکٹ کے نقصان پر 168 رنز بنائے۔ ہاردک پانڈیا نے 63 رنز کی اننگز کھیلی۔ ویرات کوہلی 50 رنز بنا کر جورڈن کا شکار بنے۔ کوہلی اور پانڈیا کے 50 رنز بھی کسی کام نہیں آسکے۔ 

پاکستان اور انگلینڈ کی ٹیمیں 1992  کے بعد اس بار میلبورن کے میدان میں فائنل میں آمنے سامنے ہونگے۔ موقع موقع کرنے والوں کو انگلینڈ کے بلے بازوں نے ایک بھی موقع نہیں دیا۔ 1992 کی تاریخ ایک بار پھر دہرائی جا رہی ہے۔ پاکستان نے 1992 کے ورلڈ کپ میں بھی مشکل سے کوالیفائی کرکے  نیوزی لینڈ کو سیمی فائنل میں شکست دیکر فائنل کیلئے کوالیفائی کیا تھا اس بار بھی یہی کچھ ہوا۔ اس بار بھی پاکستان کا میلبورن میں حریف انگلینڈ ہی ہے۔ 

  بھارت اور انگلینڈ کے درمیان میچ  پاکستانی وقت کے مطابق دوپہر ایک بجے شروع ہوا لیکن  ٹی 20میچز کے متعلق ایڈیلیڈ اوول اسٹیڈیم کی دلچسپ تاریخ ہ آج کے میچ میں تبدیل ہو گئی۔اس اسٹیڈیم میں آج تک وہ ٹیم ٹی 20میچ نہیں جیت سکی جس نے ٹاس جیتا ہو۔ایڈیلیڈ میں اب تک مجموعی طور پر 11 ٹی ٹوئنٹی  مینز میچز ہوئے ہیں جس میں ان تمام ٹیموں نے فتح حاصل کی جو ٹاس ہار گئیں۔

شیئر کریں:

Hasan Moavia