ایک نیوز:پنجاب کی تمام مویشی منڈیوں کے ٹھیکوں کی ساڑھے پانچ ارب روپے سے زائد میں نیلامی کا عمل مکمل کرلیا گیا۔
تفصیلات کےمطابق پنجاب میں تمام 118 مویشی منڈیوں کے ٹھیکوں کی نیلامی کا عمل مکمل کرلیا گیا، رواں سال نیلامی سے 5 ارب56 کروڑ86 لاکھ روپے کی رقم حاصل ہوئی جو گزشتہ سال کے مقابلے میں تقریباً 2 ارب روپے زائد ہے۔
حکام کے مطابق گزشتہ سال مویشی منڈیوں کے ٹھیکے3 ارب70 کروڑ روپے میں نیلام ہوئے تھے۔
رپورٹ میں بتایا گیا ہے کہ مویشی منڈیوں میں سب سے زیادہ بولی لاہور کی شاہ پور کانجراں کی مویشی منڈی کیلئے دی گئی، جس کا ٹھیکہ ایک ارب10 کروڑ98 لاکھ میں دیا گیا۔
کیپشن: The auction process of livestock markets in Punjab is complete