ایک نیوز :متحدہ عرب امارات نے 5 سالہ فیملی ٹورسٹ ویزا کا اجراء شروع کردیا۔
خلیجی اخبار ’الامارات الیوم‘ کے مطابق اتھارٹی نے کہا ہے کہ ایک سے زیادہ بار داخلے کا ویزا تمام قومیتوں کو بغیر کسی اسپانسر کے جاری کیا جاتا ہے، اس سے فائدہ اٹھانے والے کو ملک میں ایک مرتبہ داخلے کے بعد لگاتار 90 دن تک قیام کی اجازت ملتی ہے اور اسے اسی مدت کے لیے ایک بار بڑھایا بھی جا سکتا ہے، توسیع کے ساتھ قیام کی مدت ایک سال میں لگاتار 180 دنوں سے زیادہ نہیں ہونی چاہیے، جس کے لیے صارف کو داخلہ پرمٹ کے اجراء کی تاریخ سے 60 دنوں کے اندر اندر ملک میں داخل ہونے کی ضرورت ہے تاکہ اس کی منسوخی سے بچا جا سکے۔
بتایا گیا ہے کہ 5 سالہ فیملی ٹورسٹ ویزا کے لیے ویب سائٹ اور سمارٹ ایپلیکیشن کے ذریعے درخواست دی جاسکتی ہے، ویزا کے لیے درخواست دینے اور اس کے لیے درکار ضروری دستاویزات کو پورا کرنے کے بعد ای میل کے ذریعے ویزا الیکٹرانک طور پر حاصل کیا جاسکتا ہے، جب کہ بچوں (18 سال سے کم عمر) کو سروس سے فائدہ اٹھانے والے کے ساتھ سمجھا جاتا ہے، جس کی عمر 18 سال سے زیادہ ہے اسے اپنے لیے درخواست لازمی منسلکات کے ساتھ جمع کرانی ہوگی، یہ نوٹ کرتے ہوئے کہ سیاح کے لیے بشمول ہیلتھ انشورنس ویزا کی قیمت 3 ہزار 25 درہم ہے اور درخواست دینے کی فیس 750 درہم ہے۔
معلوم ہوا ہے کہ ویزا حاصل کرنے کے لیے بینک اکاؤنٹ اسٹیٹمنٹ ضروری ہے، اس کے ساتھ ہیلتھ انشورنس متحدہ عرب امارات سے جاری کیا جانا چاہیے اور اس کی مدت 180 دن ہونی چاہیے، اس ویزا کے استعمال کی میعاد جاری ہونے کی تاریخ سے 2 ماہ ہے یعنی ملک میں پہلا داخلہ 2 ماہ کے اندر ہونا چاہیے، اگر 18 سال سے کم عمر کے بچے ہیں تو فیملی گروپ کے اجراء کے لیے درخواست جمع کرائی جاتی ہے، جب کہ ویزا کے اجراء کی تاریخ سے 3 مہینوں تک اسی مدت کے لیے قیام میں توسیع کرنا جائز ہے، بشرطیکہ قیام کی پوری مدت 180 دن فی سال سے زیادہ نہ ہو، اور اگر کوئی شخص ملک کے اندر رہنے کے لیے مخصوص مدت کی خلاف ورزی کرتا ہے تو ویزا منسوخ تصور کیا جاتا ہے۔
کیپشن: امارات میں 5 سالہ فیملی ٹورسٹ ویزا کا اجراء شروع