کورونا کیسز اور اموات وچ اضافہ ۔پورے ملک سمیت پنجاب بھر وچ صورتحال تشویشناک ہو گئی ۔تے این سی او سی نیں اک بار فر اہم فیصلے کیتے نیں .
این سی او سی نے صورتحال نوں سامنے رکھدے ہوئیاں پنجاب دے شہراں فیصل آباد، گوجرانوالہ، لاہور، گجرات، ملتان، راولپنڈی تے سیالکوٹ وچ دو ہفتے واسطے تعلیمی ادارے بند کرن دا اعلان کر دتا اے ۔اسے طرح اسلام آباد تے پشاور وچ وی تعلیمی ادارے پندرہ مارچ توں اٹھائی مارچ تک بند رہن گئے ۔جدوں کہ امتحانات دا سلسلہ جاری رہوے گا.
دوجے پاسے ڈاکٹر فیصل سلطان دا کہنا اے کہ دفتر وچ وی پچاس فیصد ملازمین حاضر ہون دے جدوں کہ پچاس فیصد گھراں توں کم کرن دے. وفاقی وزیرتعلیم شفقت محمود نیں اس موقع تے آکھیا کہ پنجاب ، کے پی تے آزاد کشمیر وچ صورتحال زیادہ خراب اے .
این سی او سی دے مطابق ان ڈور شادی دی تقریبات تے کھانے دی اجازت دین دا فیصلہ وی منسوخ کردیتا گیا اے جدوں کہ آؤٹ ڈور کھانے تے ٹیک اوے دی سہولت میسر رہ گی.اسی طرح پندرہ مارچ توں مزارات تے سینما گھر کھولن دا فیصلہ وی واپس لے لیا گیا اے ۔جدوں کہ بازار وی رات دس بجے بند ہونگے۔