ایک نیوز:رہنما پی ٹی آئی علی محمد خان کا کہنا ہے کہ آج پرویز خٹک 190 ملین پائونڈ ریفرنس میں گواہی دینے آئے، اس پر بہت افسوس ہوا۔
تفصیلات کے مطابق میڈیا سے گفتگو کرتے ہوئے علی محمد خان نے کہا کہ پرویز خٹک کو بانی پی ٹی آئی نے عزت دی اور خیبر پختونخوا کا وزیرِ اعلیٰ بنایا۔ ہم خٹک صاحب کے ساتھ تب تک تھے جب تک وہ بانی پی ٹی آئی کے ساتھ تھے۔
انہوں نے کہا کہ پی ٹی آئی کو مجبور کیا گیا کہ وہ سنی اتحاد کونسل میں جائے، ملک کی سب سے بڑی جماعت کو مجبور کیا گیا کہ وہ آزاد الیکشن لڑے ،ہمارے کارکنوں کو رہا کرکے خواتین کی سیٹیں واپس کی جائیں۔