پاکستان یونائیٹڈ سٹیٹس انفنٹری رائفل کمپنی ایکسرسائزاختتام پذیر

 ایک نیوز:پاک فوج کےشعبہ تعلقات عامہ آئی ایس پی آرکے مطابق پاکستان یونائیٹڈ سٹیٹس انفنٹری رائفل کمپنی ایکسرسائز2024کی اختتامی تقریب نیشنل کاؤنٹر ٹیررازم سنٹر پبی میں منعقد ہوئی۔
  پاکستان اور امریکہ کے درمیان انفنٹری رائفل کمپنی ایکسرسائز 2024پہلی بار انسداد دہشت گردی کے شعبے میں منعقد کی گئی ہے۔
 دو ہفتے طویل مشق 29 جون 2024 کو نیشنل کاؤنٹر ٹیررازم سینٹر پبی میں شروع ہوئی، دونوں ممالک کے جوانوں نے جوش و خروش کے ساتھ حصہ لیا، جنرل آفیسر کمانڈنگ 17 ڈویژن نے اختتامی تقریب میں بطور مہمان خصوصی شرکت کی۔ 
امریکی فوج کے 34 انفنٹری ڈویژن کے کمانڈنگ جنرل میجر جنرل چارلس جی کیمپر نے بھی اختتامی تقریب کا مشاہدہ کیا، فوجیوں نے طرز عمل کے دوران پیشہ ورانہ مہارت کے اعلیٰ ترین معیارات کا مظاہرہ کیا۔ 
انفنٹری رائفل کمپنی ایکسچینج کا مقصد مشقوں کے طریقہ کار کو بہتر بنانے کے علاوہ انسداد دہشت گردی کے تجربات کو بانٹنا تھا جو دونوں ممالک کو درپیش دائمی دہشت گردی کے خطرے کا مقابلہ کرنے کے لیے ضروری تھا،مشقوں میںمشکل حالات میں مہارت حاصل کرنے کے علاوہ انفرادی اور اجتماعی سطح پر مہارت حاصل کرنے پر بھی زور دیا۔