سمندری تحفظ کیلئےزیرآب کنسرٹ،لاکھوں افرادنےریڈیوپرسنا

ایک نیوز: امریکہ میں درجنوں موسیقار اور گلوکار، اسکوبا ڈائیونگ کا لباس پہنے سمندر کے اندر اترے، وہاں ایک محفلِ موسیقی کا انعقاد کیاگیا جس کا مقصد سمندری حیات کی نرسری یعنی مرجان اور مونگے کی چٹان کا تحفظ تھا۔ 
تفصیلات کےمطابق فلوریڈا کے قریب چھوٹے بڑے اہم جزائر واقع ہیں جنہیں ’فلوریڈا کیز‘ کہا جاتا ہے۔ عین اس کے نیچے پانیوں میں یہ دلچسپ تقریب رکھی گئی تھی۔ اس کنسرٹ میں رنگ برنگے لباس اور یہاں تک کہ جل پریوں کا روپ میں بھی خواتین شریک ہوئیں، میوزک بجایا، گانا گیا اور کورال ریفس کی اہمیت اجاگر کی۔ واضح رہے کہ پہلے ہی اس علاقے کو ماحولیاتی تحفظ حاصل ہے جہاں 10 ہزار مربع کلومیٹر پر محیط مرجانی چٹانوں کا ایک وسیع سلسلہ قائم ہے۔ لیکن یہاں چھوٹے بڑے جزائر کو ایک قطار میں شمار کیا جائے تو ان کا رقبہ بھی 200 کلومیٹر بنتا ہے۔
مرجانی چٹانیں سمندر کے اندر بحری حیات کی نرسری کا کام کرتی ہیں۔ یہاں بھانت بھانت کے جانور رہتے ہیں، اپنی نسل بڑھاتے ہیں اور اسی کو اپنا گھر مانتے ہیں۔ زرق برق لباس پہنے کئی فنکاروں نے مرجانی چٹانوں پر گیت گائے جو ایک پائپ کی بدولت اوپر تیرتی ہوئی کشتیوں پر رکھے اسپیکر سے سنے گئے۔ اس کے علاوہ پورا کنسرٹ بھی براہِ راست ایک ریڈیو اسٹیشن پر نشر کیا گیا جسے ہزاروں لاکھوں افراد نے سنا۔یہ کنسرٹ مسلسل 4 گھنٹے تک جاری رہا۔