ویب ڈیسک: پاکستانی پاسپورٹ، جسے اکثر دنیا کے کمزور ترین پاسپورٹس میں شمار کیا جاتا ہے، پھر بھی اپنے حاملین کو کچھ ممالک میں ویزا فری سفر کی سہولت فراہم کرتا ہے۔
ہینلے اینڈ پارٹنرز کی 2025 کی فہرست کے مطابق، پاکستانی پاسپورٹ کے حامل افراد کو 33 ممالک میں مختلف کیٹیگریز کے تحت ویزا فری رسائی حاصل ہے۔
ان کیٹیگریز میں حقیقی ویزا فری سفر، ویزا آن ارائیول، اور الیکٹرانک ٹریول اتھارٹی (ای ٹی اے) شامل ہیں۔
اس فہرست کے مطابق، پاکستانی شہری 12 ممالک میں بغیر کسی ویزا کے سفر کر سکتے ہیں۔ ان ممالک میں شامل ہیں:
بارباڈوس: کیریبئین جزائر کا ایک خوبصورت ملک، جہاں پاکستانی شہری ویزا کے بغیر قیام کر سکتے ہیں۔
جزائر کک: جنوبی بحرالکاہل کے جزائر، جہاں ویزا کی ضرورت نہیں۔
ڈومینیکا: کیریبئین کا ایک چھوٹا لیکن خوبصورت ملک۔
ہیٹی: کیریبئین جزائر کا ایک اور ملک جو ویزا فری سفر کی اجازت دیتا ہے۔
مڈغاسکر: افریقہ کے سب سے بڑے جزائر میں سے ایک، جہاں پاکستانیوں کا خوش آمدید کہا جاتا ہے۔
مائیکرونیشیا: بحر الکاہل میں واقع جزائر پر مشتمل ایک خوبصورت ملک۔
مانٹسریٹ: برطانیہ کے زیر انتظام کیریبئین خطہ، جہاں ویزا کی ضرورت نہیں۔
نیووے: جنوبی بحرالکاہل کا ایک خوبصورت ملک۔
روانڈا: افریقہ کا ایک ترقی پذیر ملک جو پاکستانیوں کے لیے ویزا فری رسائی فراہم کرتا ہے۔
سینٹ ونسنٹ اینڈ دی گریناڈائنز: کیریبئین میں امریکا کے قریب واقع ایک چھوٹا ملک۔
ٹرینیڈاڈ اینڈ ٹوباگو: کیریبئین کا ایک اور مشہور ملک جو ویزا فری سفر کی اجازت دیتا ہے۔
وانواتو: آسٹریلیا کے قریب واقع جزائر پر مشتمل ایک خوبصورت ملک۔