ویب ڈیسک:لکی مروت میں سکیورٹی فورسز کیساتھ فائرنگ کے تبادلے میں2اہلکارشہید اور 2دہشت گرد ہلاک ہو گئے۔
آئی ایس پی آر کے مطابق سکیورٹی فورسز اور دہشت گردوں کے درمیان فائرنگ کا شدید تبادلہ ہوا۔ہلاک دہشت گردوں کی شناخت آفتاب عرف ملنگ اور مسعود شاہ کے نام سے ہوئی۔دونوں دہشت گرد سکیورٹی فورسزپرحملوں اور شہریوں کے قتل میں ملوث تھے ۔
ترجمان پاک فوج کے مطابق دہشت گردوں کے قبضے سے اسلحہ،گولیاں اور دھماکہ خیز مواد برآمد ہوا ۔
آئی ایس پی آر کے مطابق شہداء میں بھمبر آزاد کشمیر کے سپاہی محمد افضل اور مانسہرہ کے رہائشی سپاہی ابرار حسین شامل ہیں، علاقے میں دہشت گردوں کے خاتمے کیلئے سینی ٹائزیشن آپریشن جاری ہے، سکیورٹی فورسز ملک سے دہشت گردی کی لعنت کو ختم کرنے کیلئے پرعزم ہیں۔
آئی ایس پی آر نے مزید بتایا کہ بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔