ایک نیوز : بالی ووڈ کے معروف اداکار شاہ رخ خان اور خوبرو اداکارہ دپیکا پڈوکون کی ایکشن سے بھرپور فلم پٹھان کا ٹریلر جاری کردیا گیا۔
فلم میں جان ابراہم ولن کا کردار ادا کررہے ہیں جو ایک انڈر کوور روسی ایجنٹ ہیں اور انڈیا میں تباہی مچانے آئے ہیں جبکہ دیپیکا شاہ رُخ کے ساتھ خاتون انڈر کور فوجی کا کردار نبھا رہی ہیں جس کا کام انڈیا کی حفاظت کرنا ہے۔سدھارتھ آنند کی ہدایتکاری میں بننے والی اس فلم کی کہانی پٹھان نام کے ایک ایسے شخص کے گرد گھومتی ہے جس کیلئے اس کا مذہب، ذات اور نام سب اس کا ملک ہے، فلم میں شاہ رُخ خان پٹھان کا کردار ادا کرتے نظرآئیں گے۔
فلم کے ٹریلر میں شاہ رُخ کو کہتے سُنا جاسکتا ہے کہ جب پٹھان کے گھر پر پارٹی رکھو گے تو پٹھان مہمان نوازی کرنے تو آئے گا ساتھ پٹاخے بھی لائے گا۔
یشراج فلمز کے بینر تلے بننے والی فلم ’پٹھان‘ 25 جنوری کو سنیما گھروں کی زینت بنے گی، فلم کو ہندی، تامل اور تیلیگو زبان میں ریلیز کیا جائے گا۔
یادرہے اداکار شاہ رخ خان کی نئی فلم ’پٹھان‘ ریلیز ہونے سے قبل ہی اِس کے گانے ’بے شرم رنگ‘ کی وجہ سے تنازعات کا شکار ہے، بائیکاٹ کے ٹرینڈز اور انتہا پسندوں کی جانب سے شدید احتجاج کے بعد اب شاہ رخ خان کو زندہ جلانے کی دھمکیاں بھی دی گئی ہیں۔گانے میں دپیکا پڈوکون کے زعفرانی رنگ کے لباس پر بھارتیہ جنتا پارٹی (بی جے پی) نے ہنگامہ کھڑا کردیا تھا جن کا دعویٰ ہے کہ ’گانے میں جس طرح سبز اور زعفرانی رنگ پہنا گیا ہے اس کے علاوہ گانے کے سُر سمیت فلم کا ٹائٹل بھی نامناسب ہیں‘۔
This is disgusting !!! He is the same 'Guru' Paramhans Acharya who threatened to take 'Jal Samadhi' if the country was not declared a Hind00 Rashttra by 2nd Oct 2021
— Katyusha (@Indian10000000) December 20, 2022
Now he's threatening #SRK
Boycott the Party which supports such 'Gurus'
. pic.twitter.com/DnnrOezbXY