ایک نیوز : اب تھریڈ کی ضرورت نہیں ۔ٹوئٹر صارفین اب اپنی بات طویل ترین ٹویٹ کے ذریعے سماجی رابطے کی سائٹ پر پہنچا سکیں گے، سی ای او ایلون مسک نے فروری میں نیا فیچر متعارف کروائے جانے کی خوشخبری سُنادی۔
یاد رہے ایلون مسک اس سے قبل بھی آنے والے دنوں میں اس پلیٹ فارم پر متعدد تبدیلیاں لانے کااعلان کرچکے تھے۔
اس نئے فیچر کے تحت ٹویٹس کے الفاظ کو اپنی منشاء سے بولڈ، انڈرلائن یا اٹالین کیا جاسکے گا۔
حال ہی میں اپنی ٹویٹ میں ایلون مسک کا کہنا تھا کہ سوشل میڈیا پلیٹ فارم کے یوزر انٹرفیس کو بدلا جارہا ہے۔ اور فروری کے آغاز میں میں ٹوئٹر پر زیادہ طویل ٹویٹس کا فیچر متعارف کروا دیا جائے گا۔اس فیچر کا عندیہ ایلون مسک کی جانب سے نومبر 2022 سے دیا جارہا ہے تاہم بالآخرانہوں نے بتادیا ہے کہ ایسا کب سے کیا جارہا ہے۔ تاحال یہ واضح نہیں کیا گیا کہ ایک ٹویٹ کے حروف اب 280 کے بجائے بڑھا کر کتنے کیے جاسکتے ہیں۔
ایلون مسک کا یہ بھی کہنا تھا کہ آئندہ ہفتے سے ٹوئٹر میں دائیں بائیں swipe کرکے نیوز فیڈ کے مختلف سیکشنز تک رسائی دی جائے گی۔ اور یوزرانٹرفیس تبدیل کرنے کے پہلے مرحلے میں بک مارک بٹن ایک ہفتے بعد متعارف کرایا جائے گا۔
Elon Musk confirms long-form tweets and tweet formatting coming in February
— Matt Navarra (@MattNavarra) January 9, 2023
You’ll be able to bold, underline, and italicise words in tweets pic.twitter.com/qt5J7SYqPE
آغاز میں ایک ٹویٹ میں صرف 140 حروف استعمال کیے جاسکتے تھے تاہم 2017 میں ان کی تعداد بڑھا 280 کی گئی تھی۔
زیادہ تفصیلات لکھنے کے خواہشمند صارفین جنہیں ایک ہی تھریڈ میں کئی ٹوئیٹس کرنا پڑتے تھے، اب اس نئے فیچر کی بدولت خاصی سہولت حاصل کرسکیں گے۔
Easy swipe right/left to move between recommended vs followed tweets rolls out later this week.
— Elon Musk (@elonmusk) January 8, 2023
First part of a much larger UI overhaul.
Bookmark button (de facto silent like) on Tweet details rolls out a week later.
Long form tweets early Feb.