ایک نیوز: اسلام آباد ہائیکورٹ کے چیف جسٹس عامر فاروق کا ایک اور فیصلہ ، جسٹس بابر ستار اور جسٹس سردار اعجاز اسحاق خان سے قانونی امور سے متعلق ذمہ داری واپس لے لی گئیں ۔
ایڈیشنل جج جسٹس راجہ انعام امین منہاس کو اسلام آباد ہائیکورٹ کے قانونی امور کا جج مقررکردیا گیا، اسلام آباد ہائیکورٹ کے چیف جسٹس عامر فاروق کی منظوری کے بعد ڈپٹی رجسٹرار نے نوٹیفکیشن جاری کردیاہے۔
نوٹیفکیشن میں کہا گیا ہے کہ جسٹس راجہ انعام امین منہاس کو عوامی مفاد میں فوری طور پر قانونی امور کا جج مقرر کیا جاتا ہے، جسٹس راجہ انعام امین منہاس اسلام آباد ہائیکورٹ کے قانونی ونگ کے امور کو سپروائز کریں گے ۔
واضح رہے کہ 2022 میں جسٹس بابر ستار اور جسٹس سردار اعجاز اسحاق کو قانونی ونگ کو سپروائز کرنے کی ذمہ داری دی گئی تھی ۔