مریخ پر موجود سیاہ دھبوں کی حقیقت کیا ہے؟

ویب ڈیسک:ناسا نے حال ہی میں ایک تصویر جاری کی ہے جس میں مریخ کے قطبی جنوبی حصے کے قریب کاربن ڈائی آکسائیڈ گیزر کے پھٹنے کا عمل دکھایا گیا ہے۔
ناسا کا کہنا ہے کہ مریخ کی سطح پر بنی یہ شکلیں صرف موسم بہار کے دوران ہی نظر آتی ہیں، یہ عمل سردیوں کے دوران جمع شدہ کاربن ڈائی آکسائیڈ گیس کیوجہ سے ہوتا ہےاور بعد ازاں یہ سطح سے بخارات کی صورت میں خارج ہوتی ہے۔
گیزر پھٹنے جیسا یہ ڈرامائی عمل مریخ کی سطح پر سیاہ جالے جیسی لکیریں پیدا کرتا ہے جنہیں عام طور پر "مارشین مکڑیاں" بھی کہا جاتا ہے،یہ تخلیق سائنسدانوں کو مریخ پر موسمی آب و ہوا کے نمونوں کے بارے میں انمول بصیرت فراہم کرتی ہیں۔
خیال رہے کہ یہ تصویر اصل میں2018میں لی گئی تھی لیکن ناسا کی تازہ ترین ریلیز میں یہ دوبارہ منظر عام پر آئی ہے جس نے سُرخ سیارے میں لوگوں کی دلچسپی کو مزید ابھارا ہے۔