ایک نیوز:نیشنل وویمنز والی بال چمپیئن شپ پاکستان واپڈا نے جیت لی،سنسنی خیز مقابلہ کے بعد فائنل میں آرمی کو شکست دی۔
نیشنل وویمنز والی بال چمپیئن شپ کی اختتامی تقریب میں وزیراعظم کی معاون خصوصی برائے یوتھ افیئرز شیزہ فاطمہ خواجہ نے شرکت کی۔
پاکستان سپورٹس کمپلیکس اسلام آباد میں کھیلی جانیوالی چیمپئن شپ میں ملک بھر سے دس ٹیموں نے حصہ لیا۔
چمپیئن شپ کے فائنل میں پاکستان واپڈا نے سنسنی خیز مقابلہ کے آرمی کو کو 26-24، 18-25، 14-25، 20-25سے شکست دی۔ہائرایجوکیشن کمیشن نے سندھ کو شکست دیکر تیسری پوزیشن حاصل کی۔
وزیر اعظم کی معاون خصوصی براے یوتھ افیئر شیزہ فاطمہ خواجہ نے چئرمین پاکستان والی بال فیڈریشن چوہدری محمد یعقوب ، چیئرپرسن وویمنز والی بال ڈویلپمنٹ کمیٹی ملیکہ جنید ، سینیٹر خوش بخت شجاعت کے ہمراہ کھلاڑیوں میں انعامات تقسیم کئے۔
شز ہ فاطمہ خواجہ کاکہنا تھا کہ حکومت خواتین کھیلوں کے فروغ کیلئے کوشاں ہے۔کھیلوں میں ٹیلنٹ ہنٹنگ کا دائرہ ملک بھر میں بڑھائے۔