ایک نیوز نیوز: پاکستان کرکٹ ٹیم کے سابق کپتان وسیم اکرم نے کہا کہ لنکا پریمیئر لیگ میں شامل ہونے پر خوشی ہے۔
تفصیلات کے مطابق سابق کپتان وسیم اکرم کا کہنا تھا کہ سری لنکا میں کرکٹ کے فروغ کے لئے لنکا پریمیئر لیگ کا کردار اہم ہے، وہ بہت جلد سری لنکا جا رہے ہیں جہاں جاری لنکا پریمیئر لیگ میں شمولیت اختیار کریں گے اور کرکٹ کے اس یادگار ایونٹ میں سری لنکن عوام کے ساتھ ہوں گے۔لنکا پریمیئر لیگ سری لنکن عوام کے توقعات پر پورا اترے گی کیونکہ سری لنکن عوام کرکٹ کی بہت بڑی مداح ہے اور کثیر تعداد میں شائقین کرکٹ وہاں موجود ہیں۔واضح رہے کہ لنکا پریمیئر لیگ میں 5 ٹیمیں شامل ہیں اور لیگ کا آغاز 6 دسمبر سے ہو چکا ہے، فائنل 23 دسمبر کو کولمبو میں کھیلا جائے گا۔